Mungon prokurori, nuk jepet fjala përfundimtare në gjykimin e ish-komandantit të Policisë
Për sot ishte paraparë të jepej fjala përfundimtare e palëve në gjykimin e ish-komandantit të stacionit policor në Novobërdë, Shukri Aliu, i akuzuar për marrje ryshfeti dhe moslajmërim të veprës penale.
Seanca nuk u mbajt për shkak se mungoi prokurori i shtetit Arben Kadriu.
Lajmin për Kallxo.com e konfirmoi gjyqtari Naser Maliqi.
Sipas gjyqtarit, prokurori në fjalë gjatë ditës ka lajmëruar Gjykatën që ka një udhëtim jashtë vendit dhe nuk do të jetë prezent në seancën e sotme.
Për këtë mosmbajtjen e seancës, gjyqtari Maliqi tha se janë njoftuar me kohë edhe palët tjera.
I akuzuar në këtë proces është ish-komandanti i Policisë në Novobërdë, Shukri Aliu.
Ai akuzohet për dy vepra penale: marrje ryshfeti dhe moslajmërim i veprës penale.
Kallxo.com ka raportuar edhe më herët për këtë rast:
https://kallxo.com/i-akuzuar-per-ryshfet-dhe-moslajmerim-te-vepres-penale-ish-komandanti-i-policise-nuk-e-pranon-fajesine/
www.kallxo.com