Moti i Lig Lë pa Kuorum Komisionin

Në Komisionin për të Drejtat e Njeriut nuk u shqyrtuan ndryshim-plotësimet e Ligjit për Liritë Fetare për mungesë kuorumi.

Kryetarja e këtij komisioni Duda Balje mungesën e kuorumit e arsyetoi me motin e lig që ka përfshirë Kosovën.

“Anëtarët e komisionit nuk kanë mundur të vijnë në Kuvend shkaku i motit shumë të keq”, tha Balje.

Ajo tregoi se mbledhja shtyhet për të hënën.

Komisioni për të Drejtat e Njeriut, Barazi Gjinore, për Persona të Pagjetur dhe Peticione ishte paraparë të shqyrtonte ndryshim-plotësimet në Ligjin për Liritë Fetare.