Urgjenca e Spitalit të Pejës | Foto: KALLXO.com

Mjeku tregon gjendjen e të plagosurit në Pejë

Mjeku kujdestar i Spitalit Rajonal të Pejës, Bujar Vrella, ka dhënë detaje rreth personit të plagosur sonte me armë zjarri në Pejë.

Dr. Vrella tha për KALLXO.com se pacienti është i plagosur në të dy këmbët.

“Pacienti është jashtë rrezikut për jetë. Ai ka frakturë nën gjurin e djathtë. Është i plagosur në të dy këmbët”, tha dr. Bujar Vrella, kirurg.

Mjeku e konfirmoi se pacienti është i plagosur me armë zjarri.

Sipas tij, pacienti do të qëndrojë në repartin e Ortopedisë.

Në një incident të armatosur rreth orës 22 :00 te Parku i Vogël i qytetit është plagosur Besim Lajqi.

Lajqi ishte i shoqëruar nga Xhevdet Kelmendi kur persona të panjohur kanë shtënë në drejtim të tyre.

Prokurorja Sahide Gashi tha për KALLXO.com se dyshojnë se Xhevdet Kelmendi ishte caku i sulmit.

https://kallxo.com/plagosja-ne-peje-nje-pjesetar-i-familjes-kelmendi-po-e-shoqeronte-te-plagosurin/

Sipas prokurores Gashi, një veturë është gjetur e djegur.

Për këtë veturë dyshohet se është përdorur në sulmin në të cilin mbeti një person i plagosur.

https://kallxo.com/prokurorja-digjet-vetura-qe-dyshohet-se-u-perdor-ne-plagosjen-ne-peje/

www.kallxo.com