Enver Hoxhaj, Zëvendës Kryeministër
Ministri Hoxhaj Pret Bashkëpunim me Boris Johnson
Ministri i Punëve të Jashtme, Enver Hoxhaj, ka thënë se e ka uruar Sekretrin e ri të jashtëm të britanisë së Madhe, Boris Johnson, një figurë kontraverse që është emëruar në këtë pozitë pas ndryshimeve në qeverinë britanike.
Hoxhaj tha të hënën se pret bashkëpunim të mirë me Sekretarin Johnson.
“Kam dërguar një letër urimi për sekretarin e jashtëm të Britanisë së Madhe. Britania është një vend i madh mbështetës i pavarësisë dhe lirisë së Kosovës, është një shtet i cili ka një peshë globale është një mik i madh i joni edhe bilateral edhe multilateral”, tha Hoxhaj
“Emërimi i z. Johnson është një lajm të cilin Kosova e mbështet. E kemi uruar zgjedhjen e tij dhe të qeverisë së re dhe besoj se do të kemi një bashkëpunim jashtëzakonisht të mirë”, shtoi ai.
Komentet e Hoxhajt u bënë sot gjatë promovimit të vulës apostile e cila u vendos për herë të parë pas Aderimit së Republikës së Kosovës në Konventën e Hagës për Heqjen e Kërkesës së Legalizimit të Dokumenteve publike të huaja siç njihet ndryshe Konventa e Apostiles, si dhe pas aprovimit Ligjit për ratifikimin e Konventës për heqjen e kërkesës për legalizim të dokumenteve publike të huaja.
“Kjo ka qenë një betejë e madhe që Kosova të jetë pjesë e kësaj konvente është dashur që të sigurohen votat e shumë shteteve anëtare të kësaj konvente. Është dëshmia më e mirë që ne nuk bëmë përpjekje vetëm të anëtarësohemi në konventë dhe organizatën ndërkombëtare por bëmë përpjekje që ta ushtrojmë sovranitetin dhe ushtrimi I sovranitetit ka të bëjë më benificionet që qytetarët e Kosovës mund ti gëzojnë”, tha Hoxha.
Ai shtoi se Kosova do të aplikojë edhe në organizata e konventa të tjera në mënyrë që “të përmbushen të gjitha kërkesat qytetarëve të Kosovës”.
“Ne si Ministri e Jashtme kemi qëllim që të aplikojmë në çdo organizatë në çdo konventë, në çdo institucion multilateral vetëm atëherë kur këto institucione multilaterale i përmbushin kërkesat e qytetarëve të Kosovës”, tha Hoxhaj.
