ARKIV - Votimet në rrethin e dytë të zgjedhjeve lokale - Foto: Atdhe Mulla

Merret në Pyetje nën Dyshimin se Fotografoi Votën

Një qytetar është marrë në pyetje nga Policia nën dyshimin se ka fotografuar votën.

Ngjarja ka ndodhur në fshatin Reznik të Vushtrrisë.

Lajmin për KALLXO.com e konfirmoi zëdhënësi i Policisë për Rajonin e Mitrovicës, Avni Zahiti.

Ai tha se në vendvotim ka shkuar prokurori dhe hetuesit dhe pas intervistimit i dyshuari është liruar në procedurë të rregullt.

Ky është rasti i vetëm i raportuar në Vushtrri sipas Zahitit.

Komuna e Vushtrrisë është ndër 19 komunat ku po votohet për kryetar komune në rrethin e dytë.