Mediat në Serbi raportojnë për fotografinë e Flora Brovinës
Deputetja e Partisë Demokratike të Kosovës, Fora Brovina dje teksa zhvillohej një seancë në Kuvendin e Kosovës për shqyrtimin e Propozim-Rezolutës për gjenocidin, krimet kundër njerëzimit dhe krimet e luftës të ish-regjimit shtetëror serb në Kosovë, doli para mediave dhe publikoi një fotografi, sipas saj të një gruaje teksa dhunohej seksualisht nga forcat serbe.
Menjëherë pas kësaj paraqitje, publikimi i fotografisë ngjalli shumë debat. Fillimisht u kundërshtua brenda në Kuvend e më pastaj edhe në opinion publik.
Por, mediat online në Kosovë zbuluan se fotografia që prezantoi Brovina është e publikuar edhe në disa faqe interneti për të rritur.
Kjo ngjarje mori vëmendjen edhe të mediave serbe. Disa nga to raportuan mbi lajmet e publikuara në mediumet kosovare.
Media onlione “Telegrafi.rs” pati këtë titull për publikimin e fotografisë nga deputetja e PDK-së, Flora Brovina.
Edhe media tjetër e njohur në Serbi, “Kurir” u referohet raportimeve të mediave online në Kosovë.
“Por, pas një kërkim në Google, nga mediat e Prishtinës është arriti në përfundimin se një foto që tregonte Brovina zbulon dyshim se nuk ka të bëjë me konfliktin në Kosovë, por ka të bëjë me krimet e kryera në Irak”, shkruan Kurir.
Ndërsa, midia oline “Danas” raportoi për njoftimin e Prokurorisë Speciale në Kosovë e cila tha se do të filloj hetimin.
Kjo medie po ashtu publikoj edhe reagimet në Kosovë për rastin e publikimit të fotografisë.
Edhe media tjetër serbe “B92” raportoi për publikimin e fotografisë të deputetes kosovare.
“Fotoja e publikuar nga Brovina sipas mediave në Prishtinë pas një kërkimi në Google, ngriti dyshime se ajo është bërë në Kosovë”, ishte titulli i kësaj medie.
“B92” po ashtu iu referua mediave online në Kosovë.
