Mbi 100 të arrestuar për dhunën e 1 Majit në Francë
02.5.2018 - 10:05
Policia franceze dërgoi në mbajtje 109 njerëz – një ditë pasi demonstrues të maskuar thyen dritare të dyqaneve dhe dogjën makina gjatë protestave të 1 Majit në Paris.
Grupet anarkiste të ekstremit të djathtë i ndryshuan drejtimin një proteste paqësore kundër reformave të punës në sektorin publik që ka ndërmarrë presidenti Emmanuel Macron.
Policia tha se rreth 1,200 protestues të maskuar morën pjesë në demonstratën e 1 Majit të sindikatave të punës.
Katër njerëz, përfshirë një polic, janë lënduar lehtë.
Autoritetet përdorën gazin lotsjellës dhe ujin në përpjekje për të shpërndarë protestuesit.