Foto: Ilustrim
Lipjan, arrestohen gjashtë persona për vjedhje të derivateve në vendin e punës
Gjashtë persona janë arrestuar dje në Lipjan në dy raste të ndara për vjedhje të derivateve.
Në rastin e parë, një person është arrestuar në Lipjan, pasi që i njëjti derisa ishte duke punuar roje, nga makineritë e punës ka vjedhur derivate.
Sipas policisë, sasia e derivateve të vjedhura është 1 mijë e 200 litra.
I dyshuari për këtë vjedhje, me vendim të prokurorit është dërguar në mbajtje.
Rasti i dytë është raportuar poashtu në Lipjan, ku janë arrestuar persë persona të dyshuar për vjedhje të derivateve.
Sipas njoftimit, ankuesi ka raportuar se pesë punëtorët e tij, në vendin e punës, kanë keqpërdorur pozitën e tyre dhe kanë arritur të vjedhin derivate në vlerë të konsiderueshme.
Me vendim të prokurorit të dyshuarit janë arrestuar dhe të njëjtit janë dërguar në mbajtje.