Labinot Tahiri e Ekrem Mustafa - Foto: Facebook/LabinotTahiri
Labinot Tahiri feston shkarkimin e Bejtush Gashit
Deputeti i Kuvendit të Kosovës nga radhët e AKR-së, Labinot Tahiri, ka njoftuar se ministri i ri i Punëve të Brendshme do të jetë Ekrem Mustafa.
Ai përmes një postimi në profilin e tij në Facebook tha se Mustafa u emërua në këtë pozitë pas kërkesës së tij në AKR dhe Qeverinë e Kosovës.
“Ferizaji, si tatim pagues kryesor dhe disa herë edhe përcaktues i fitoreve në qendër i partive politike, nuk kishte ministër. Por tani 19 vite pas, me kërkesën time si deputet, drejtuar Qeverisë së kryesuar nga Kryeministri Ramush Haradinaj, dhe partnerët e koalicionit u vendos qē Ferizaj të BËHET me MINISTËR.
05-shi, Ekrem Mustafa –Ministër i Punëve të Brendshme”, ka shkruar Tahiri.
AKR sot gjatë ditës njoftoi se ish-ministri, Bejtush Gashi do të shkarkohet nga kjo pozitë për shkak të performancës së tij.
https://kallxo.com/bejtush-gashi-kurban-i-kercenimit-te-labinot-tahirit/
Lidhur me idenë për një pozitë udhëheqës nga komuna e Ferizajt, deputeti i AKR-së, Labinot Tahiri edhe muaj më parë kishte kërkuar që të emërohet një ambasador ose një ministër.
Ky është postimi i plotë i deputetit Labinot Tahiri:
“FERIZAJI YNË dhe i KOSOVËS URIME PËR MINISTRINË E JUAJ TË CILËN JU QYTETARË E KENI MERITUAR GJITHMONË DHE SOT E KENI✊?
AJO QË NUK U REALIZUA PËR 19 VITE U REALIZUA PËR MË PAK SE 11 MUAJ
URIME QYTETI YNË I DASHUR FERIZAJ!
Ferizaj, ti vlen shumë , më shumë se partitë politike dhe ne politikanët.
Më mirë vonë se kurrë!
Ferizaji, si tatim pagues kryesor dhe disa herë edhe përcaktues i fitoreve në qendër i partive politike, nuk kishte ministër.
Por tani 19 vite pas, me kërkesën time si deputet, drejtuar Qeverisë së kryesuar nga Kryeministri Ramush Haradinaj, dhe partnerët e koalicionit u vendos qē Ferizaj të BËHET me MINISTËR.
05-shi, Ekrem Mustafa –Ministër i Punëve të Brendshme.
Serioziteti në marrëveshjet politike në interes të Ferizajt dhe qytetarëve të Republikës tonë, ja vlejnë gjithmonë, për çka e falënderoj zv. Kryeministrin Pacolli, për mirëkuptimin dhe mbështetjen në këtë rrugë dhe Qeverinë Haradinaj.
Urime të gjithëve!”.
