Kush e përbën kryesinë e re të PDK-së në Prizren?

Kur kanë kaluar 3 muaj prej kur në krye të PDK-së në Prizren erdhi Shaqir Totaj, tashmë ky subjekt politik ka zgjedhur edhe kryesinë e përbërë nga 22 anëtarë tjerë.

Nënkryetar i Degës së PDK-së në Prizren është zgjedhur Kujtim Gashi, aktualisht Ministër i Ministrisë për Kulturë Rini dhe Sport.

Dy nënkryetarët tjerë përveç Kujtim Gashit janë Sylejman Nishori, dhe Laura Gigolli.

Anëtarë tjerë të zgjedhur në Kryesinë e PDK-së janë edhe Visar Islamaj Sekretar i përgjithshëm, Samir Hoxha Sekretar organizativ,  Çelë Lamaj Sekretar elektoral.

Një anëtarë i kryesisë së PDK-së do të mban pozitën e sekretarit për Vlera të Luftës, e ai është Nehat Elshani.

Fahrije Bytyqi është përzgjedhur Sekretare për barazi gjinore, ndërsa edhe disa pozita janë ndarë si në vijim : Evren Fusha Sekretar për media dhe rrjete sociale, asambleisti aktual Getoar Besimi do të jetë  Zëdhënës i degës e këtë pozitë do ta ndajë bashkë me Adelina Beqiri-Minci si Zëdhënëse e degës.

Adrit Krasniqi do të jetë anëtar i kryesisë së kësaj partie në Prizren, i cili njëherit është edhe kryetar i Rinisë Demokratike të Kosovës.

Anëtarët tjerë që janë pjesë e kryesisë janë: Islam Ukaj, Luljeta Veselaj-Gutaj, Afrim Avdaj, Dafina Bllaca,  Afrim Kala,  Kastriot Krasniqi, Edona Turtulla-Rada,  Durak Thaçi, Pjetër Përlazri , dhe Skender Elshani.