Kosova nuk pranohet në Interpol

Kosova nuk ka mundur t’i marrë votat e mjaftueshme për t’u anëtarësuar në Interpol as në raundin e dytë të votimit.

Në rivotimin e mbajtur në Asamblenë e Përgjithshme të Interpol-it që po mbahet në Dubai, Kosova ka marrë 68 vota pro, 51 kundër dhe 16 abstenime.

Në votimin e dytë, Kosova mori 8 vota më pak se në të parin.

Kosova nuk kishte marrë votat e mjaftueshme në votimin e raundit të parë për anëtarësim në Interpol që u mbajt nja 30 minuta para raundit të dytë.

Pas votimit në rundin e parë Kosova pro anëtarësimit në Interpol kanë votuar 76 shtete, kundër saj kanë votuar 56 shtete dhe 22 kanë abstenuar.

https://kallxo.com/kosova-nuk-kalon-ne-raundin-e-pare-te-votimit-ne-interpol/

Para se të votohej kanë mbajtur fjalim  përfaqësuesit e 24 shteteve ku Pakistani dhe Guajana janë shprehur pro anëtarësimit të Kosovës në këtë organizatë të bashkëpunimit policor, duke kundërshtuar kështu lobimin serb kundër Kosovës.

Po ashtu pro Kosovës janë deklaruar edhe Turqia dhe Arabia Saudite.

Ndërsa kundër kanë qenë Maroku dhe Rusia.

Për t’u anëtarësuar në Interpol Kosovës i duhen dy të tretat e votave të anëtarëve të pranishëm.