Konfiskohen pjesë rezervë të makinave bujqësore pa dokumentacion në Jarinje
04.10.2018 - 11:37
Në pikën kufitare të Jarinjes në Leposaviq është aportuar se nga Policia është ndaluar një automjet me targa vendore, me vozitës të gjinisë mashkullore, i cili përmes rrugëve alternative ka hyrë nga territori i Serbisë në territorin e Kosovës.
Me ç’rast gjatë legjitimimit dhe kontrollimit në automjet, Policia ka hasur në pjesë rezervë të makinave bujqësore pa dokumentacion të vlefshëm.
Automjeti dhe malli i kontrabanduar është konfiskuar dhe është dërguar në stacionin policor në Leposaviq.
Vozitësi i dyshuar pas intervistimit me vendimin e prokurorit është liruar dhe rasti është proceduar në procedurë të rregullt.
Sipas raportit të Policisë rasti ka ndodhur dje rreth orës 23:45.