Komuna e Vushtrrisë mbulon shpenzimet e udhëtimit për nxënësit me nevoja të veçanta
Komuna e Vushtrrisë gjatë ditës së sotme ka marrë vendim të mbulojë shpenzimet e udhëtimit për nxënësit me nevoja të veçanta.
Ky mbulim do të bëhet për udhëtimin që ata bëjnë nga shtëpia për në shkollë dhe anasjelltas.
Këtë e ka bërë të ditur kryetari i Komunës së Vushtrrisë, Xhafer Tahiri, përmes një postimi në Facebook, duke thënë se ky është detyrim njerëzor.
“Kujdesi për këtë kategori është detyrim njerëzor, jam i lumtur që për të dytin vit me radhë po e përmbushim këtë nevojë për këta fëmijë, më të mirët nga mesi jonë”, ka shkruar Tahri në facebook.
Para dy ditëve, kryetari i Komunës së Prishtinës, Shpend Ahmeti ka njoftuar se Komuna do të mbulojë shpenzimet për udhëtimin e fëmijëve me nevoja të veçanta nga shkolla për në shtëpi.
https://kallxo.com/komuna-e-prishtines-ofron-transport-per-femijet-me-nevoja-te-vecanta/
www.kallxo.com