Këshilli Shtetëror i Cilësisë konstituon Komisionin e Ankesave
16.1.2019 - 09:24
Agjencia Kosovare për Akreditim, më saktësisht Këshilli i Cilësisë ka zgjedhur komisionin e ankesave që do të trajtojë ankesat e institucioneve të arsimit të lartë ndaj vendimeve të Këshillit.
Komisioni i Ankesave është kompletuar dhe ka zgjedhur kryetaren në mbledhjen e parë të mbajtur dje.
Me shumicë votash të anëtarëve, Komisioni ka zgjedhur për Kryetare të këtij mekanizmi, Prof.Dr. Shykrane Gërmizaj.
Komisioni i Ankesave, së shpejti do të fillojë punën e tij, në trajtimin e ankesave të dërguara nga IAL-të.
Agjencia Kosovare e Akreditimit që është përgjegjëse për sigurimin e cilësisë në institucionet e arsimit të lartë në Kosovë dhe akreditimin apo mosakreditimin e tyre.