Kërkohet paraburgim ndaj të dyshuarit për grabitjen e mbrëmshme

Prokuroria Themelore në Prishtinë, ka kërkuar masën e paraburgimit ndaj të dyshuarit i cili u arrestua mbrëmjen e kaluar pas një grabitjeje të një filiale të rrjetit të marketit “Meridian” në lagjen Dardania.

Kryeprokurori i Prokurorisë Themelore në Prishtinë, Imer Beka tha për KALLXO.com se kërkesa për paraburgim është bërë ndërsa shtoi se po presin nga ana e policisë kallëzimin penal ndaj të dyshuarit për të shikuar nëse i njëjti është i involvuar në rastet e vjedhjeve gjatë muajit të fundit.

KALLXO.com mbrëmjen e kaluar ka raportuar në lidhje me arrestimin e një personi të dyshuar për grabitjen e market “Meridianit” në lagjen Dardania.

Policia ka kryer arrestimin pak metra nga vendi ku ka ndodhur grabitja, ndërsa tek ai janë  gjetur edhe disa mjete me të cilat dyshohet se është kryer grabitja.

https://kallxo.com/grabitet-meridiani-policia-arreston-grabitesin/