Javën e ardhshme mbahet edicioni i 9-të i Festivalit 'Ngom Fest'

Edicioni i nëntë i Festivalit “Ngom Fest” do të mbahet nga 11 deri më 14 korrik 2019, në Kalanë e qytetit të Prizrenit.

Lista e këngëtarëve pjesëmarrës të këtij festivali tashmë është bërë publike nga organizatori i festivalit dhe përveç perforamncave muzikore këtë edicion do të ketë edhe një debat ku do te marrin pjese artistë të huaj dhe vendor.

Ulpiana Emra, zëdhënëse e festivalit ka thënë në një prononcim për Kallxo.com se “Ngom fest’ këtë vit do të ketë  emra te njohur si vendor, ashtu edhe ndërkombëtar.

Ndërsa ka thënë se festivali do të mbahet në Kalanë e qytetit të Prizrenit me dy skena, Main Stage apo Skena kryesore si dhe Sunrise Stage apo Skena e lindjes se diellit, të cilat audiencës do t`ia mundësojnë dhe një pamje të mrekullueshme të qytetit te Prizrenit, sidomos gjatë lindjes se diellit.

“Për dallim me vitet tjera, këtë edicion do të  organizohet edhe një debat ku do të marrin pjesë një artist i huaj DJ VNTM nga Holanda si edhe një artiste vendore DJ Jehonë të cilët do t’i shkëmbejnë përvojat e tyre me publikun”, ka thënë Emra.

Zëdhënësja Emra ka thënë se lista e artistëve tani më është publikuar, dhe pjesë e ‘Ngom fest” 2019, do të jenë artistë vendor edhe të huaj.

Emrat kryesore të këtij festivali për këtë viti janë” Labeli P.I.N.T , Jericho, Offchestra, Exos , Ignore the Elephat , Exos , VNTM si dhe James Zabiela.