“INTEREX” në gjykatë për shitjen e mallrave të ndaluara tek fëmijët
Marketi ‘INTEREX’, do të përballet me gjykatën lidhur me shitjen e mallrave të ndaluara tek fëmijët.
Kjo pas transmetimit të hulumtimit të ‘Drejtësia në Kosovë’, që pasqyroi shkeljet e bëra nga ky market që lejoi shitjen e cigareve te të miturit.
Inspektorati i Tregut ka vepruar pas transmetimit të këtij emisioni dhe ka dërguar në gjykatë marketet e përfshira në hulumtim.
Kryinspektori i Tregut, Lulzim Syla konfirmoi për KALLXO.com nisjen e procedurave.
“Ne i kemi dërguar në gjykatë të katër marketet. Gjykata e ka në dorë tash e tutje”, tha Syla.
Emisioni ‘Drejtësia në Kosovë’, u transmetua më 25 janar të këtij viti.
INTEREX në kohën e zhvillimit të hulumtimit kishte thënë se e respektojnë ligjin për këtë çështje
“INTEREX respekton dhe implementon ligjin dhe urdhëresën e Ministrisë së Tregtisë lidhur me këtë çështje. Punëtorët janë njoftuar për ndalimin e shitjes së duhanit dhe alkoolit për të mituri!.INTEREX ka vendosur shenja dalluese që rikujtojnë ndalimin e shitjes së këtyrë produkteve për të miturit…”, thuhej në përgjigjen e tyre.
https://kallxo.com/deshmi-ne-etc-viva-fresh-maxi-e-interex-femijet-blejne-duhan-e-alkool/
‘’Ky grant financohet nga Agjensioni Suedez për Zhvillim dhe Bashkëpunim Ndërkombëtar (Sida), menaxhuar nga Fondacioni Kosovar për Shoqëri Civile (KCSF). Përmbajtja dhe rekomandimet e paraqitura nuk përfaqësojnë qëndrimin zyrtar të Agjensioni Suedez për Zhvillim dhe Bashkëpunim Ndërkombëtar (Sida) dhe Fondacionit Kosovar për Shoqëri Civile (KCSF).’’
