Haradinaj shpalos 24 vendimet e tij “madhore”

Kryeministri në largim i Kosovës, Ramush Haradinaj është përkujdesur që vendimet që i ka marrë qeveria e tij, t`i bëjë publike edhe në rrjetin e tij social facebook.

Haradinaj postimin e tij e ka nisur me mbishkrimin “100% KOSOVË”, duke shtuar se qeveria e tij “guxon të krijojë”.

Në vazhdim mund të gjeni listën e plotë të 24 vendimeve që Haradinaj i ka konsideruar si vendime madhore që janë marrë gjatë qeverisjes së tij.

1. Ruajtja e tërësisë territoriale dhe e sovranitetit të vendit

Taksa 100% ndaj produkteve serbe
Ligji për Ushtrinë, Ministrinë e Mbrojtjes, shërbimi në Ushtri, FSK
Shmangia e kolapsit energjetik që në ditët e para të Qeverisjes
Statuti i Trepçës, bordi, xhirollogaritë, Trepça 100% Kosovë
Zonat ekonomike në Komuna
Ligji për Investime Strategjike
Ligji i Pagave
Ligji i Prishtinës
Përmbushja e kritereve për Liberalizimin e vizave
Buxheti më i madh në historinë e Kosovës për vitin 2019, në vlerë prej 2.3 miliard euro
Kosst-i i pavarësuar
Njohja e statusit te viktimave te dhunës seksuale gjate luftës
Ligji i Statusit të Punëtorëve Arsimorë për vitet e ‘90-ta
Rikthimi i Pallatit të Rinisë Komunës se Prishtinës
Lirimi nga tatimet në import të pajisjeve të teknologjisë informative me tatim zero doganor dhe lirimet nga taksat doganore për lëndë të parë për prodhuesit vendorë
Zgjidhja e statusit te zjarrfikësve dhe nivelizimi i koeficienteve
Zona e Veçante Ekonomike Amerikane ne Gjakove dhe Parku Inovativ dhe Trajnues Kosovaro-Gjerman ne Prizren
Aksioni për pastrimin e Kosovës nga mbeturinat dy dekadëshe
Vendimi për kompensimin e orëve shtese për punën jashtë orarit te zyrtareve policore
Fuqizimi i sistemit te drejtësisë përmes: rritjes se pagave për gjyqtarët dhe prokurorët, miratimi i pakos se ligjeve te Agjendës se Reformave Evropiane për sistemin e drejtësisë
Ligji për ndalimin e lojërave te fatit
Shpëtimi i Telekomit nga kontratat e dëmshme
Kthimi i pronave për nevojat e Komunave të Kosovës

Me 19 korrik, ish kryeministri i vendit Ramush Haradinaj pas mbledhjes së Qeverisë, në konferencë para gazetarëve ka lexuar letrën ku ai jep dorëheqje nga pozita e tij, duke njoftuar njëkohësisht se është ftuar nga Dhomat e Specializuara të Gjykatës Speciale në cilësinë e të dyshuarit.