Haradinaj përkujton vëllain e tij, Enver Haradinajn
15.4.2019 - 10:54
Kryeministri i Kosovës, Ramush Haradinaj në përvjetorin e vrasjes së vëllait të tij, Enver Haradinaj ka shkruar një dedikim emocional për të.
Ai përmes një potimi në profilin e tij në Facebook tha se vëllai i tij u nda nga jeta padrejtësisht.
“Shumë i ri u përballe me luftën dhe plagët e shumta që sjell ajo. Edhe pse dole triumfues nga lufta, u ndave nga ne padrejtësisht në liri”, tha Haradinaj.
24 vjeçari Enver Haradinaj, ish luftëtar i UÇK-së u vra në prill të 2005-së në rrugën Pejë- Deçan dhe rasti i tij nuk është zbardhur ende.
Kjo ishte vdekja e tretë në këtë familje. Dy vëllezër të familjes Haradinaj janë vrarë gjatë luftës (Shkëlzen dhe Luan Haradinaj).