Besnik Berisha - Foto: Facebook
Haradinaj emëron Besnik Berishën zëvendësministër
30.1.2019 - 20:36
Kryeministri i Kosovës, Ramush Haradinaj, ka nxjerrë vendim sipas të cilit ka emëruar Besnik Berishën zëvendësministër.
Berisha do të jetë zëvendësministër në Ministrinë e Punës dhe Mirëqenies Sociale.
Në këtë post, Besnik Berisha e zëvendëson Çerkin Dukollin, i cili ka shkuar në Ministrinë e Punëve të Jashtme.
Besnik Berisha është nga radhët e partisë Nisma Socialdemokrate.
Ai do të jetë zëvendësministri i pestë në këtë ministri, duke iu bashkuar Vesel Makollit, Besart Jasharit, Abdyl Ymerit dhe Millosh Peroviqit.