Greva e Arsimtareve_Shkolla_Elena Gjika_Sbashk_010

Grevat në sektorin publik vazhdojnë edhe sot

Shërbyesit civilë, mësimdhënësit e shkollave fillore, të mesme dhe profesorët e universiteteve edhe sot do të vazhdojnë grevën në gjitha komunat e Kosovës

Greva në arsim sot hyn në ditën e 13-të, përderisa SBASHK-u ka përsëritur se nuk tërhiqen deri në plotësimin e kërkesave të tyre.

Në mbledhjen e jashtëzakonshme të dy kryesive qendrore të Sindikatave të Shërbimit Civil të Kosovës është bërë e ditur se greva e shërbyesve civilë do të vazhdojë edhe sot nga ora 10:00 deri në 11:00, ashtu sikur ditën e djeshme.

Rreth 22 mijë nëpunës civilë kanë hyrë në grevë, duke kërkuar nga institucionet që të merren me kërkesat e tyre. Sipas sindikalistëve, nëse nuk ka reflektim institucional nuk përjashtohet mundësia e ashpërsimit të masave apo grevës së përgjithshme.

Pak ditë më parë edhe Sindikata e Pavarur e Pylltarisë, Bujqësisë, Industrisë së Drurit, Mjedisit dhe Gjuetisë së Kosovës, i është bashkuar grevës së shëryesve civilë.