Greqia, notë proteste Shqipërisë për vrasjen e Konstandin Kafiçës
Ministria e Jashtme e Greqisë do të dorëzojë Tiranës një notë proteste lidhur me vrasjen e Kostandin Kaçifës.
Ambasadorja e Shqipërisë në Greqi, Adriana Hobdari, do të shkojë pasditen e të hënës në selinë e Ministrisë së Jashtme greke për të marrë këtë notë proteste.
Ndërkohë janë forcuar masat e sigurisë rreth ambasadës shqiptare.
Policia greke ka rritur masat e sigurisë rreth selive diplomatike dhe konsullore të Shqipërisë.
Masat po zbatohen në ambasadën shqiptare në Athinë dhe konsullatat në Selanik dhe në Janinë.
Kjo me qëllim parandalimin e ndonjë reagimi të mundshëm pas vrasjes së ndodhur dje në Bularat.
Dje Ministria e Jashtme greke duke kërkuar prej Shqipërisë sqarime rreth ngjarjes në Bularat e quajti të papranueshëm faktin që operacioni precipitoi me humbjen e një jete njerëzore.
Madje nënvizoi se pas zbardhjes së rrethanave do të bëhen dhe veprimet e nevojshme.
Nga ana e saj, ministria e Jashtme shqiptare e quajti të pajustifikueshëm dhe zhgënjyes reagimin e diplomacisë fqinje, raporton oranews.