Foto: Policia italiane
Goditet Banda e Grabitësve në Itali, 16 Shqiptarë të Arrestuar
11.3.2018 - 10:43
Karabinierët italianë arrestuan 18 persona, 16 prej të cilëve shqiptarë dhe dy italiane pas një hetimi për vjedhje dhe grabitje me pasoja të rënda në zonën e Kazertës.
Hetimet kanë nisur që nga viti 2015, pas një grabitjeje të dhunshme në një banesë në Liberi.
Episodi më i përgjakshëm i këtij grupi ka ndodhur më 16 maj 2017 gjatë një vjedhje në një shtëpi.
Një nga shqiptarët, duke parë veten në rrezik, qëlloi mbi policinë, përcjell Rtv21.
Grupi vepronte gjithmonë i armatosur dhe grabitësit përdorinin rroba të zeza dhe maskoheshin për të humbur gjurmët.
Mbi të akuzuarit rëndojnë pesë grabitje dhe 34 vjedhje. /21Media