Godet Policin me Motoçikletë

Policia ka arrestuar dje pasdite në rr. “Remzi Ademi”,  në Prizren, një të dyshuar, i cili e kishte goditur me motoçikletë zyrtarin policor.

Sipas raportit të përditshëm të Policisë, i dyshuari përveç që nuk ka respektuar urdhrin e zyrtarit policor për t’u ndalur me motoçikletë e godet atë, me ç’rast i shkakton lëndime trupore.

Polici i lënduar është dërguar për tretman mjekësor, ndërsa i dyshuari pas intervistimit me urdhër të prokurorit është dërguar në mbajtje.

Këtë rast, Policia po e trajton si sulm ndaj personit zyrtar.