Lumi Ibër. Foto: Kallxo.com
Gjendet i vdekur një person në afërsi të lumit Ibër në Mitrovicë
Një burrë është gjetur i vdekur në afërsi të lumit Ibër në pjesën veriore të Mitrovicës.
Lajmin për KALLXO.com e ka konfirmuar zëdhënësi i Policisë në Mitrovicën Veriore, Besim Hoti, i cili ka treguar se trupi është gjetur në orët e pasdites.
“Trupi i një personi të gjinisë mashkullore është gjetur në afërsi të lumit Ibër. Në vendin e ngjarjes kanë dalë njësitet policore, mjekët dhe forenzika, po presim edhe Mjekësinë Ligjore për të marrë trupin e viktimës. Mjekët e kanë konstatuar vdekjen e viktimës”, ka thënë Hoti për KALLXO.com.
Ai ka shtuar se identiteti i viktimës nuk dihet ende.
“Rasti është regjistruar si vdekje e dyshimtë, derisa të konstatohet natyra e vdekjes së viktimës. Nuk vërehen shenja të dhunës në trupin e viktimës por deri të konstatohet natyra vdekjes, rasti është regjistruar si vdekje e dyshimtë”, ka shtuar Hoti.