Ilustrim

Gjenden dy mjete të dyshuara të pashpërthyera

Policia ka raportuar se janë gjetur dy mjete të pashpërthyera në dy lokacione të ndryshme në Kosovë.

Në rastin e parë, një person ka raportuar se përderisa ishte duke punuar në kopshtin e tij, ka hasur në një mjet të dyshuar shpërthyes.

Ngjarja a ndodhur në fshatin Raushiq të komunës së Pejës.

Njësiti policor ka siguruar vendin e ngjarjes ndërsa, njësiti për deminim i FSK-së ka tërhequr mjetin e dyshuar.

Në rastin e dytë, në fshatin Tërpezë, të komunës së Malishevës gjatë ditës së djeshme ankuesi ka raportuar se ka hasur në një mjet të dyshuar shpërthyes.

Njësiti policor ka siguruar vendin e ngjarjes ndërsa njësiti për deminim i KFOR-it dhe FSK-së kanë asgjësuar mjetin e dyshuar pa incidente.