Gani Geci dhe Isa Mustafa pas Kuvendit Zgjedhor te LDK-se
Geci: E urova Isa Mustafën, por edhe Vjosa Osmanin për kryeministre
Ish-deputeti i LDD-së, Gani Geci përmes një postimi në Facebook ka nxjerrë në pah “diskutime të brendshme” të LDK-së.
Geci ka shkruar se e ka uruar Vjosa Osmanin për kandidaturën për kryeministre të Kosovës nga radhët e LDK-së.
“Po, me pas shëndetin taman edhe Vjosës i urova kandidaturën për kryeministre”, ka shkruar Geci në Facebook.
Fadil Geci, vëllai i Gani Gecit është zgjedhur anëtar në Këshillin e Përgjithshëm të LDK-së.
Tutje, Geci ka shkruar se gara e brendshme e LDK-së tashmë ka përfunduar dhe tani është radha e garës me të tjerët.
“Tani gara e brendshme ka kaluar, jemi para garës me kundërshtarët politik dhe do t`i mposhtim”, ka shkruar tutje Geci.
Isa Mustafa sot u rizgjodh për herë të tretë në krye të Lidhjes Demokratike të Kosovës. Ai në këtë detyrë është që nga viti 2010.
.