Foto-ilustrim nga një protestë e gazetarëve në Prishtinë.

Fund Mosndëshkimit të Krimeve Kundër Gazetarëve

Sot shënohet Dita ndërkombëtare për t’i dhënë fund mosndëshkimit të krimeve kundër gazetarëve. Për të shënuar këtë ditë, OSBE organizon panelin e diskutimit me gazetarë, përfaqësues të organeve të zbatimit të ligjit dhe prokurorisë.

Temë e panelit do të jetë “Siguria e gazetarëve dhe roli i organeve të zbatimit të ligjit dhe institucioneve të drejtësisë për t’i dhënë fund mosndëshkimit për krime kundër gazetarëve”.

Ngjarja do të fillojë në orën 10:00 në Qendrën Informative dhe Kulturore të BE-së.