(FOTO) Vetura e Policisë goditet me gurë në Veri
28.5.2019 - 09:26
Përveç të plagosurve dhe të lënduarve, në aksionin e Policisë së Kosovës sot pati edhe dëme materiale.
Një veturë e Policisë është goditur me gur duke u dëmtuar pak në pjesën e sipërme.
Operacioni policor i nisur sot në orët e hershme të mëngjesit në pjesën veriore të Kosovës është shpërndarë edhe në jug të Mitrovicës.
KALLXO.com mëson se cak i këtij aksioni janë rrjetet e kontrabandës së mallrave nga Serbia për në Kosovë.
Janë realizuar disa bastisje në disa lokacione.
Një pjesëtar i Policisë është plagosur me armë zjarri gjatë aksionit të sotëm në veri të vendit kundër kontrabandës.
KALLXO.com merr vesh se polici është plagosur lehtë dhe se gjendja e tij është jashtë rrezikut për jetë.