Fëmija lëndohet nga goditja me veturë

Një fëmijë është goditur me veturë gjatë ditës së djeshme në fshatin Duhël të Komunës së Suharekës.

Policia me anë të raportit ditor, ka njoftuar se dje rreth orës 12:50 një person derisa ishte duke drejtuar automjetin e tij, nga pakujdesia ka goditur një fëmijë.

Si pasojë e aksidentit lëndime të lehta trupore ka pësuar fëmija, i cili ka marrë tretman mjekësor në qendrën emergjente në Suharekë, e më pas është liruar në shtëpi.

Policia nuk ka raportuar për të arrestuar.