Recep Tayyip Erdogan - Foto: REL/Reuters

Erdogan shumë afër vendosjes së dënimit me vdekje

Presidenti Recep Tayyip Erdogan deklaroi sot se Turqia së shpejti do të jetë në gjendje të risjellë dënimin me vdekje.

Erdogan këto deklarata  i bëri në funeralin e një gruaje që u vra në një shpërthim bombe pranë kufirit me Irakun me fëmijën e saj 11 muajsh.

Presidenti Erdogan shtoi Turqia do të vazhdojë të luftojë kundër rebelëve kurdë, të cilët autoritetet turke i konsiderojnë përgjegjës për sulmin.

Gruaja 24-vjeçe vdiq dje me djalin e saj në një shpërthim bombe pranë rrugës, kur ajo u kthye nga vizita e bashkëshortit të saj, një rreshter në ushtrinë turke.

Ajo u vra në vendin e shpërthimit, ndërsa fëmija iu nënshtrua plagëve në spital.

Duke iu përgjigjur thirrjeve të mbledhura për të vendosur një dënim me vdekje, presidenti turk tha se “hapat që Turqia të marrë vendim për këtë çështje është e afërt”.

Askush nuk është ekzekutuar në Turqi që nga viti 1984 dhe se shteti zyrtarisht e hoqi dënimin me vdekje në vitin 2004, në një përpjekje për t’u bashkuar me Bashkimin Europian./21Media