Ekzekutohet Vëllai i ish-Deputetit

Aleksandër Ndoka, vëllai i ish-deputetit Arben Ndoka nga Lezha, është gjetur i ekzekutuar në veturën e tij në orët e para të mëngjesit të së shtunës.

Ngjarja e rëndë ka ndodhur në lagjen “Nënë Tereza” të qytetit të Lezhës.

Policia thotë se ka marrë një telefonatë rreth orës 04:25 dhe është njoftuar për atentatin.

Në vendngjarje është gjetur trupi i pajetë i Aleksandër Ndokës në automjetin e tij tip “Mitsubishi”.

Menjëherë është ngritur grupi hetimor për zbardhjen e ngjarjes, ndërkohë që për kapjen e autorit, ose autorëve të saj, në mbështetje të policisë lokale janë dërguar edhe dy grupe të Forcave të Ndërhyrjes së Shpejtë të Shkodrës.