Eksperti i armëve dëshmon në gjykimin e të akuzuarit për vrasjen e gruas

Eksperti i balistikës, Fejsal Lutfiu, ka dëshmuar sot në gjykimin e Xhafer Shkodrës, i akuzuar për vrasjen e gruas së tij Rabe Shkodra, më 19 gusht 2018.

Dëshmitari foli rreth armës me të cilën pretendohet se u krye vrasja.

Ai tha se arma kishte qenë e konvertuar.

“Pistoleta ka qenë e konvertuar nga arma e gazit në armë të zjarrit”, tha Lutfiu.

Dëshmitari tregoi se për ekzaminim kishin pranuar një armë zjarri, një karikator, 7 fishekë dhe një gëzhojë.

“Gjatë gjuajtjes testuese ne kemi vërejtur se pistoleta e konvertuar nuk funksionon në mënyrë të duhur, por mbushja e saj bëhet në mënyrë manuale”, tha eksperti i balistikës.

Xhafer Shkodra akuzohet edhe për armëmbajtje pa leje.

Avokati kundërshton aktakuzën ndaj Xhafer Shkodrës për vrasje të gruas

Seancën e sotme e udhëhoqi kryetari i trupit gjykues, Nikollë Komani, i ndihmuar nga gjyqtarët Mentor Bajraktari dhe Besarta Doli.

Mbrojtësi i të akuzuarit Xhafer Shkodra, avokati Agim Haraçia, i propozoj Gjykatës që të dilet edhe në vendin e ngjarjes, për të cilin propozim Gjykata do të vendosë me vendim të veçantë.

Në gjykimin e sotëm ishte paraparë të dëshmojë edhe djali i tani të ndjerës, Januz Shkodra, mirëpo prokurori Ramiz Buzhala i propozoi Gjykatës që i njëjti të dëgjohet një ditë tjetër, me arsyetimin se prokuror i këtij rasti është prokurori Ali Uka.

Arsyeja tjetër e ndërprerjes së kësaj seance ishte edhe sjellja me vonesë e të akuzuarit nga njësiti i transportit.

Ndërkaq seanca e radhës u caktua për datën 10 prill.

Në seancën e shqyrtimit fillestar, i akuzuari Xhafer Shkodra ishte deklaruar i pafajshëm.

Ai kishte thënë se nuk ka pasur për qëllim ta vrasë gruan e tij dhe se e njëjta ishte vrarë “pa hiri”.

Xhafer Shkodra gjendet në paraburgim që nga data 20 gusht 2018.

Sipas aktakuzës, për shkaqe ende të panjohura derisa i pandehuri Xhafer Shkodra dhe bashkëshortja e tij Rabe Shkodra ishin duke qëndruar në ballkonin e shtëpisë së tyre, i njëjti me një gjuajtje në gjoks në afërsi të drejtpërdrejtë e vret atë.

Aktakuza thotë se i pandehuri pas këtij momenti menjëherë është larguar ndërsa fëmijët e kishin dërguar nënën e tyre në Spitalin Rajonal të Gjakovës.

Ekskluzive: Prokuroria rrëzon tezën e policisë se vrasja 61 vjeçares në Gjakovë ishte aksidentale

Sipas deklaratave të familjarëve, respektivisht fëmijëve të tyre, bashkëshortët kanë jetuar në harmoni dhe nuk kanë pasur probleme në mes vete dhe dyshimet e tyre janë se rasti ka qenë aksidental dhe se nëna e tyre në atë moment ka qenë duke e pastruar armën me të cilën dyshohet se është kryer vepra.

Bashkëshorti i viktimës ishte larguar nga shtëpia dhe më vonë është arrestuar nga policia në lagjen e tij dhe bazuar në deklaratën e tij viktima kishte pasur armën në dorë të cilën ishte duke e pastruar dhe aksidentalisht i ka shkrepur.

Vrasja e gruas: Hetimet e Prokurorisë zbardhin vrasje në rastin që Policia e quajti aksident

www.kallxo.com