Dyshohen për shkelje të rënda disiplinore, suspendohen dy policë
25.7.2019 - 17:24
Policia e Kosovës ka njoftuar se dy zyrtarë policorë janë suspenduar gjatë ditës së sotme.
Sipas njoftimit, zyrtarët policorë të cilët kanë punuar në kuadër të Drejtorisë për Hetimin e Krimeve Ekonomike dhe Korrupsionit në Policinë e Kosovës, janë suspenduar për shkak të dyshimit se të njëjtit kanë kryer shkelje të rënda disiplinore.
Policia ka njoftuar se zyrtarët policorë kanë bërë edhe shkelje penale, prandaj lënda e tyre e kompletuar është dërguar në Inspektoratin Policor të Kosovës.