Dy vjet nga arrestimet për sulmin në kuvend, procesi në pikën ‘zero’

Sot janë bërë dy vjet qëkur Policia e Kosovës kishte nisur një aksion për arrestimin e disa aktivistëve të Vetëvendosjes si të dyshuar për sulmin me granatë ndaj ndërtesës së Kuvendit të Kosovës që kishte ndodhur tri javë më parë.

Gjashtë persona ishin arrestuar më 30 gusht 2016 ndërsa një prej tyre ishte liruar mëpas në mungesë provash.

https://kallxo.com/policia-po-ben-bastisje-per-sulmin-bombe-ne-kuvend/

Njëri nga të arrestuarit ishte edhe Astrit Dehari, i cili vdiq në qendrën e paraburgimit në Prizren dy muaj më pas.

Katër aktivistët tjerë, Frashër Krasniqi, Adea Batusha, Atdhe Arifi e Egzon Haliti u përballën dhe u dënuan nga gjykata e shkallës së parë nën akuzat për terrorizëm.

https://kallxo.com/21-vjet-e-gjysme-burg-per-aktivistet-e-vv-se/

Dy prej këtyre aktivistëve, Frashër Krasniqi e Adea Batusha tashmë e kanë braktisur Vetëvendosjen dhe kanë kaluar në Partisë Social Demokrate.

Disa muaj më pas, Gjykata e Apelit e ka kthyer rastin në rigjykim ndërsa të arrestuarit janë liruar nga paraburgimi ndërsa ende nuk ka një datë të rifillimit të këtij procesi gjyqësor.

https://kallxo.com/gjykata-e-apelit-liron-aktivistet-e-vv-se-nga-paraburgimi/

Dosjen e raportimeve të KALLXO.comrreth këtij procesi mund ta lexoni në këtë link.