Foto: Ilustrim
Dy të plagosur me armë zjarri në Prishtinë
12.6.2018 - 18:00
Dy persona janë plagosur rreth një orë më parë në Prishtinë.
Zëdhënësja e Policisë për Rajonin e Prishtinës, Florie Ahmeti- Haziraj, tha për KALLXO.com se plagosja ka ndodhur rreth orës 17:00.
“Rreth orës 17:00 kemi pranuar informatën për të shtëna me armë në rrugën “Ibrahim Lutfiu” në Prishtinë. Me të dalë në vendin e ngjarjes Policia ka konstatuar se bëhet fjalë për një plagosje me armë zjarri, ku janë plagosur dy persona”, tha Ahmeti- Haziraj.
Ajo shtoi se personat e plagosur janë dërguar për tretman mjekësor ndërsa Policia është duke punuar për identifikimin dhe arrestimin e personave të dyshuar.