Drama ‘Nata e Gretës’ jepet sot premierë në Ferizaj

Teatri “Adriana” i qytetit të Ferizajt shfaq sot në mbrëmje, në ora 20:00, premierën e dramës, “Nata e Gretës” me tekst të Ingmar Villqist me regji të Ben Apollonit.

Shfaqja është përplot situata dramatike, komike e tragjike dhe rrëfen historinë e një gruaje e cila kalon nëpër sfida të ndryshme duke mbrojtur një vajze me zhvillim të vonuar nga politika naziste gjatë fushatës së pastrimit të racës ariane.

Në shfaqje luajnë: Gresa Gashi e Arjola Demiri, kurse përveç regjisë Apolloni ka bërë edhe kostumet dhe skenografinë.

Shfaqja do të ketë edhe një reprizë nesër mbrëma në Teatrin “Adriana”  në Ferizaj.