Ilustrim
Digjen orët e rrymës në një objekt banesor në Vushtrri
15.4.2019 - 16:27
Orët e rrymës në një objekt banesor në Vushtrri janë përfshirë nga zjarri dje.
Sipas njoftimit të policisë rasti ka ndodhur dje rreth orës 09:10, në rrugën “Galip Badivuku”, në Vushtrri.
Në vendin e ngjarjes kanë dalë njësitet përkatëse, të cilët kanë bërë evakuimin e banorëve, ndërsa njësiti zjarrfikës ka lokalizuar zjarrin.
Nuk raportohet për persona të lënduar, ndërsa në lidhje me rastin raportohet se është arrestuar një person i dyshuar i cili me vendim të prokurorit, pas intervistimit është liruar në procedurë të rregullt.