Dhunë në familje në Prishtinë, Malishevë, Gjakovë e Vushtrri

Katër raste të dhunës në familje janë raportuar në 24 orët e fundit në Kosovës.

Rasti i parë është raportuar në rajonin e Gjakovës, ku një person ka ushtruar dhunë ndaj prindërve dhe bashkëshortes së tij.

Si pasojë e lëndimeve, viktimat kanë pranuar tretman mjekësor.

Një rast i sulmit ndaj bashkëshortes dhe vajzës, ka ndodhur edhe në Malishevë.

Policia ka njoftuar se i dyshuari pas një mosmarrëveshje ka sulmuar fizikisht bashkëshorten dhe vajzën e tij, të cilat kanë pranuar tretman mjekësor.

Në rajonin e Prishtinës një person ka raportuar se është kanosur dhe sulmuar nga babai i tij.

Ndërsa në rajonin e Vushtrrisë një viktimë ka raportuar në policisë se është sulmuar nga vëllai i saj.

E njëjta si pasojë e lëndimeve ka pranuar tretman mjekësor.

Në tri nga këto raste, personat e dyshuar për dhunë në familje, me vendim të prokurorit janë dërguar në mbajtje.