Foto: Atdhe Mulla

Deputetja e AAK-së: Qeveria e Isa Mustafës i ka injoruar mësimdhënësit

Në seancën e sotme të Kuvendit është hapur debate për grevat të cilat kanë përfshirë sektorin publik në Kosovë.

Deputetja e AAK-së, Teuta Haxhiu, njëherit anëtare e Komisionit Parlamentar për Arsim, duke iu kundërpërgjigjur deputetes së LDK-së Valentina Bunjakut, tha se qeveria Mustafa i ka injoruar skajshmërish mësuesit.

“Cilado pagë që të flasim sot për mësimdhënësin është më e pakta që mund të them se ka rritje prej 20 për qind për mësimdhënësit, e ka thënë mbrëmë ministri i financave. Për më pak se dy vite qeveria Haradinaj ka rritur pagat për mësimdhënësit. 7 apo 8 euro janë rritur pagat në qeverinë Mustafa, qeveria Mustafa i ka injoruar skajshmërish SBASHK-un”, tha ajo.