DebatPernime për rininë në Kosovë

Rreth 200 të rinj u mblodhën në një sallë në Prishtinë për të dëgjuar debatin lidhur me këtë kategori të shoqërisë.

Cila është perspektiva e të rinjve në Kosovë?

Çfarë përfiton kjo kategori e shoqërisë nga shteti dhe cili është plani qeveritar për ta?

Në debatin me mikrofon të hapur të rinjtë pyesin ministrat pjesëmarrës në debat lidhur me punësimet familjare dhe partiake nëpër institucione.

Për këto tema dhe shumë të tjera debatojnë:

Shyqiri Bytyqi, Ministër i Arsimit; Valdrin Lluka, Ministër i Ekonomisë ; Trina Binaku, Iniciativa e të Rinjve për Drejta të Njeriut; Vlladimir Zhivkoviq, punon në Helvetas ne punësimin e të rinjëve; Shpresa Agushi, që punon me komunitetin rom në organizatën ROGRAEK; dhe Eurisa Rukovci, themeluese e aplikacionit SHNET për edukim seksual.

Emisioni ‘Jeta në Kosovë’ transmetohet çdo të enjte orën 20:15 në RTK dhe repriza të premten në mesditë.

 

 

Në Kroaci të dielën po mbahen zgjedhje parlamentare në kohën e pandemisë së koronavirusit, teksa sondazhet sugjerojnë se dy partitë kryesore, janë në garë të ngushtë për fitore.

Partia e kryeministrit Andrej Plenkoviq, Bashkimi Demokratik Kroat (HDZ), po shpreson që votuesit do të zgjedhin vazhdimësinë drejtë Bashkimit Evropian dhe që të dalin nga recensioni i shkaktuar nga përhapja e koronavirusit.

Rivali kryesor i HDZ është aleanca “Rinisja”, e udhëhequr nga Davor Bernardiq, nga Partia Social Demokratike.

Sondazhet tregojnë se dy partitë do të fitojnë më pak se çerekun e votave, që do të thotë se fituesi i zgjedhjeve duhet të krijojë koalicion, që të arrijë numrin prej 76 ulëseve në parlamentin prej 151 anëtarësh.

Si Plenkoviq ashtu edhe Bernardiq janë shprehur kundër krijimit të një “koalicioni të gjerë”, por analistët thonë se ky mund të jetë opsioni më i mirë, që do të garantonte stabilitet në qeveri, e cila do të udhëheqë në kohë të vështirë.

Në vend të tretë pritet të dalë partia populiste e këngëtarit Miroslav Skoro, me rreth 11 për qind.

Zgjedhjet në Kroaci po mbahen në kohën e pandemisë së koronavirusit. Ky vend deri më tani ka regjistruar rreth 100 të vdekur dhe mbi 2,800 të infektuar. Në dy javët e fundit, ka pasur rritje graduale të numrit të infektimeve të reja./REL

Do NOT follow this link or you will be banned from the site!