Bojkoti i avokatëve, në Gjykatën e Prizrenit dështojnë 50 seanca

Si pasojë e bojkotit të përgjithshëm të avokatëve, në Gjykatën e Prizrenit janë shtyrë apo kanë dështuar të mbahen 50 seanca gjyqësore.

Ndër seancat që kanë dështuar të mbahen ishte edhe ajo për korrupsion, ku të akuzuar janë dy persona zyrtarë.

Gjithashtu ka dështuar të mbahet edhe seanca për krime lufte, ku i akuzuar është ish-luftëtari i UÇK-së, Remzi Shala.

Natal Bullakaj, avokati i të akuzuarit dhe përfaqësuesi i familjes së dëmtuar Përteshi nga Duhla, avokat Asdren Hoxha, deklaruan se nuk do të vazhdonin të qëndronin në sallë të gjykimit pasi që do të respektonin bojkotin që e ka paralajmëruar Oda e Avokatëve të Kosovës.

https://kallxo.com/gjykata-leshon-urdherese-per-sjelljen-me-polici-ne-gjyq-te-remzi-shales

Zëdhënësja e Gjykatës së Prizrenit, Afërdita Kicaj, ka thënë për KALLXO.com se gjatë ditës janë mbajtur vetëm 3 seanca për caktimin e masës së paraburgimit.

Për shkak të grevës së avokatëve edhe në Gjykatën e Gjakovës kanë dështuar shumë seanca.

https://kallxo.com/greva-e-avokateve-con-ne-deshtimin-e-shume-seancave-ne-gjakove/

Oda e Avokatëve ka paralajmëruar dje bojkot të përgjithshëm të avokatëve që nga dita e sotme.

https://kallxo.com/avokatet-e-kosoves-nga-neser-ne-greve-dokument/