Biblioteka Kombëtare | Foto: KALLXO.com
Blihet Telefon i Shtrenjtë për Kreun e Bibliotekës
Biblioteka Kombëtare e Kosovës (BKK) ka bërë të ditur për publikun se ka nënshkruar kontratë për blerjen e një telefoni mobil.
Telefoni mobil që kushtoi 750 euro do të jetë në shërbim të kreut të këtij institucioni.
Në njoftimin e publikuar në faqen zyrtare të Komisionit Rregullativ për Prokurim Publik (KRPP) thuhet se Biblioteka Kombëtare shpenzon 750 euro për blerje të telefonit mobil.
Sipas njoftimit, ky telefon blihet me paratë e buxhetit të konsoliduar të Kosovës dhe për blerjen e këtij telefoni mobil është përdorur procedura e vlerës minimale përmes përzgjedhjes së operatorit ekonomik për kontratë.
Në përgjigjen përmes postës elektronike të Bibliotekës Kombëtare për KALLXO.com tregohet se telefoni është blerë për kreun e këtij institucioni.
“Është blerë një telefon mobil për drejtorin e BKK-së”, thuhet në përgjigjen e bibliotekës.
Blerje të telefonave të mençur kanë realizuar edhe institucionet tjera si Ministra e Shëndetësisë që planifikoi të shpenzojë deri në 1 mijë euro për telefon mobil
http://kallxo.com/ministria-e-shendetesise-ndan-1000-euro-per-telefona-luksi/
Edhe Gjykata Kushtetuese ka blerë telefona të shtrenjtë.