Ardhja e Biden-it | Foto: Atdhe Mulla

Biden, Sot Fjalime dhe Takime

Zëvendëspresidenti amerikan Joe BIden do të takohet me Presidentin Hashim Thaçi e Kryeministrin Isa Mustafa, ndërsa pas takimeve pritet një konferencë e përbashkët për medie.

Bashkëshortja e tij Jill Biden në kohën kur zëvendëspresidenti amerikan kryen takime me politikanë kosovarë, do të vizitojë Manastirin e Graçanicës, ku do të takohet me peshkopin Teodosije.

Pasdite çifti Biden me nipin dhe mbesën e tyre do të marrin pjesë në ceremoninë e emërimit të rrugës Ferizaj-Gjilan me emrin e Joseph R. Beau Biden III.

Biden me bashkëshorten dhe nipin e mbesën arritën në Kosovë mbrëmjen e djeshme, ndërsa u pritën nga Presidenti Thaçi, por edhe nga fituesja e medaljes së artë në Lojërat Olimpike Rio 2016 Majlinda Kelmendi.

Biden i dhuroi Kelmendit stemën shtetërore amerikane të zëvendëspresidentit.

http://kallxo.com/biden-si-ne-shtepi/