Bekim Isufi dhe Ardian Limani (KF Drita).
Bekim Isufi jep dorëheqje nga posti i trajnerit në KF Drita
12.9.2018 - 21:32
Trajneri gjilanas, Bekim Isufi, ka dhënë dorëheqja nga posti i trajnerit të klubit KF Drita nga Gjilani pas humbjes së tretë rresht në Ipko Superliga e Kosovës.
Ai këtë lajm e ka bërë të ditur pas humbjes së sotme ndaj KF Llapi si vendas në Gjilan me rezultat 2:1.
KF Drita përmes një komunikate për media e ka falënderuar për punën e bërë në klub.
Nën drejtimin e Bekimi Isufit klubi nga qyteti i Gjilanit u shpall vitin e kaluar kampion i Kosovës në futboll si dhe u paraqit në Ligën e Kampionëve e Uefa League.
KF Drita me Bekim Isufin fituan edhe Superkupën e Kosovës duke e mundur Prishtinën 2:1 në ndeshjen e parë zyrtare në stadiumin “Fadil Vokrri”.