BBC: Aktori fiton zgjedhjet presidenciale në Ukrainë
21.4.2019 - 19:43
Aktori ukrainas Volodymyr Zelensky ka fituar zgjedhjet presidenciale dhe do të jetë presidenti i ardhshëm i Ukrainës, tregojnë anketat e bëra pas votimeve.
Siç raporton BBC, Zelensky ka fituar me më shumë se 70 për qind të votave.
Ai ka dominuar edhe në rrethin e parë të zgjedhjeve presidenciale të mbajtura para tre javësh, kur në listë ishin 39 kandidatë.
Nëse konfirmohen rezultatet, atëherë Zelensky e ka mposhtur presidentin aktual Petro Poroshenko.