Barbadosi Njeh Kosovën
15.2.2018 - 20:20
Shteti i Barbadosit zyrtarisht ka njohur si shtet Republikën e Kosovës.
Këtë e ka bërë të ditur ministri i Punëve të Jashtme, Behgjet Pacolli përmes një statusi në “Facebook”.
Ai ka postuar letrën e njohjes që i është drejtuar Ministrisë nga shteti i Barbadosit, ku thuhet se ky shtet është i përkushtuar që të krijojë marrëdhënie diplomatike në mes të dy shteteve.
Pacolli uroi për këtë njohje që po ndodh në prag të 10 vjetorit të Pavarësisë së Kosovës.
“Në vigjilen e festës së madhe të pavarësisë, që edhe një njohje nga shteti i Barbadosit, Urime Kosovë e dashur”, shkroi Pacolli.