Avni Arifi | Foto: RTV 21
Avni Arifi: Asnjë metër tokë se japim për asnjë çmim
30.6.2018 - 15:40
Kryesuesi i Delegacionit të Kosovës për dialogun Kosovë-Serbi ka siguruar se nuk mund të ketë negociata për shitje të tokave të Kosovës.
“Asnjë metër të tokës së Kosovës për asnjë çmim!!!! E urryeshme është ngrirja e konfliktit, e urryeshme është pasiguria dhe gjendja ekzistuese por asnjëra nuk e meriton dhe nuk e merr kurrë as një metër të Kosovës. Sovraniteti dhe territori i Kosovës nuk cenohet nga askush për asnjë çmim. As tash as kurrë”, shkroi Arifi në Facebook.
Kjo deklaratë erdhi pas disa raportimeve që Presidenti i Serbisë Aleksandër Vuçiq ishte deklaruar në lidhje me mundësitë e marrjes së tokave të Kosovës.