Atifete Jahjaga Mysafiri i Parë i Thaçit
07.4.2016 - 18:49
Atifete Jahjaga është mysafirja e parë të cilën e ka takuar presidenti i ri Hashim Thaçi.
Në një ceremoni të shkurtër, e cila është zhvilluar në zyrat e Presidencës, Atifete Jahjaga e ka liruar karrigen e saj për presidentin e ri.
Ceremonia është zhvilluar në zyrën e presidentes, ku në mënyrë simbolike është bërë pranim-dorëzimi i materialeve zyrtare të Presidencës.
Nën buzëqeshje dhe shtrëngim duarsh, Jahjaga ka bartur dosjen tek presidenti Hashim Thaçi, ndërsa dorëzimi i dosjes është pasur me ndërrimin e karrigeve.
Për disa minuta Atifete Jahjaga është ulur në karrigen ku ulen mysafirët e presidentit.
Gjatë largimit nga zyra, të cilën tash e drejton Thaçi, Jahjaga nuk ka dhënë deklaratë për media.