Asfaltimi i rrugës 'Fehmi Lladrovci' në Prishtinë, Foto: Shpend Ahmeti/Facebook
Asfaltohet pjesa e tjetër e rrugës 'Fehmi Lladrovci'
29.4.2018 - 12:22
Kryetari i Komunës së Prishtinës, Shpend Ahmeti ka njoftuar se sot është duke u asfaltuar pjesa tjetër e rrugës “Fehmi Lladrovci”.
Madje ai ka thënë se kompania e cila ka marrë përsipër këtë punë gjatë javës ka punuar gjatë mbrëmjeve.
Ahmeti ka thënë se rruga po asfaltohet të dielën me ndikim minimal në jetën e qytetarëve.
“Sot po asfaltohet ana tjetër e rrugës ‘Fehmi Lladrovci’. Falenderojmë kompaninë që gjatë javes ka punuar në mbremje dhe po e asfalton të dielen me ndikim minimal në jetën e qytetarëve”, ka shkruar Ahmeti në Facebook.
Sanimi i kësaj rruge ka nisur më 14 prill.